امتحان کانکور متفرقه سال۱۴۰۲ مؤسسه تحصیلات عالی راه سعادت ولایت تخار!
محفل بازگشایی قفل صندوق‌های سُٶالات امتحان کانکور متفرقه داوطلبان سال ۱۴۰۲ مؤسسه تحصیلات عالی خصوصی راه سعادت ولایت تخار در حضورداشت قاری محمدبشیر مجاهد، رئیس پوهنتون تخار و هیأت همراه شان، عبدالمعروف عارفی رئیس مؤسسه تحصیلات عالی خصوصی راه سعادت، معاون امور محصلان، استادان، کارمندان و محصلین در مؤسسه تحصیلات عالی خصوصی راه سعادت تخار برگزار گردید.در آغاز آیاتی از کلام الله مجید تلاوت شد. سپس عبدالمعروف عارفی رئیس مؤسسه تحصیلات عالی خصوصی راه سعادت، تشریف‌آوری مهمانان را خوش آمدید عرض نمود. هم‌چنان از آمادگی کامل برای اخذ امتحان کانکور و رفع چالش‌های سدّ راه یادآوری کرده و مؤسسه تحصیلات عالی خصوصی راه سعادت را مختصراَبه معرفی گرفت. متعقباَ قاری محمدبشیرمجاهد رئیس پوهنتون تخار پیرامون اهمیت وازش علم و دانش اِراد سخن نمود . در ادامه نثار احمد مبارز معاون امورمحصلان مؤسسه تحصیلات عالی خصوصی راه سعادت رهنمودهای لازم غرض چگونگی اخذ امتحان کانکور را بیان داشت.
