امتحان دوره‌های عالمیه، عالیه و خامسۀ علمای کرام در پوهنتون تخار برگزار شد!

 امروز مٶرخ ۳۰ / ۱۰ / ۱۴۰۲ه.ش برابر با ۰۸ / ۰۷ / ۱۴۴۵ه.ق امتحان دوره‌های عالمیه، عالیه و خامسه‌ی علمای کرام با حضور داشت محترم مولوی عبدالحق صادق، معین تضمین کیفیت وزارت معارف، هیٲت محترم وزارت تحصیلات عالی، مولوی ضیاءالحق حامد، قومندان امنیه ولایت تخار، مولوی کمال‌الدین منیب، رئیس پوهنتون تخار، مولوی حبيب الله حنفی، رئیس امر بالمعروف ولایت تخار، مولوی حزب الله مبشر، رئیس معارف ولایت تخار، قاری محمدامیر صادق، معاون مالی و اداری پوهنتون تخار، رؤسای ادارات دولتی، استادان، هیأت ممحتن و علما در جمنازیوم ورزشی و پوهنځی حقوق و علوم سیاسی برگزار گردید.نخست آیاتی از قرآن‌کریم تلاوت شد. سپس مولوی عبدالحق صادق، معین تضمین کیفیت وزارت معارف ضمن قدردانی از تٲمین فضای امن از رهبری پوهنتون تخار بر شفافت و رعایت عدالت در امتحان تٲکید کرد. به تعقیب آن الحاج مولوی ضیالحق حامد، قوماندان امنیه ولایت تخار گفت: الحمدالله امنیت برقرار است اشتراک کنندگان می‌توانند در یک فضای امن امتحان شان را سپری نمایند. در ادامه مولوی کمال الدین منیب، رئیس پوهنتون تخار حضور مهمانان و علما را به پوهنتون تخار خیر مقدم گفته افزود: در امتحان امروزی از دوره خامسه ١۰۵۰ تن، از دوره عالمیه ۳۵۰تن و از دوره عالیه ۵۶۰ تن شامل هستند که تا پنج روز دیگر ادامه دارد و بعد از سپری نمودن موفقانۀ این امتحان اسناد به سویۀ ماستر، لیسانس  و دوازده پاس را دریافت خواهند نمود.پس از آن، صندوق امتحانات گشایش یافت و با توجه به وقت معینه امتحان برگزار و اخذ گردید و اشتراک‌کنندگان به اوراق امتحان بدون هیچ چالشی پاسخ ارائه کردند.