شهرک رهایشی استادان، کارمندان و کارگران دانشگاه تخار تهداب گذاری شد
شهرک رهایشی استادان، کارمندان و کارگران دانشگاه تخار تهداب گذاری شد
۱۱ جدی ۱۳۹۹
شهرک رهایشی استادان، کارمندان و کارگران دانشگاه تخار طی مراسمی با اشتراک مولوی عبدالله قرلق والی ولایت تخار، وفی الله رحمانی رئیس شورای ولایتی، پوهندوی خیرالدین خیرخواه رئیس دانشگاه تخار، انجنیر عزیزالرحمن رحمانی رئیس امور شهر سازی، مولوی عبدالصمد محمدی رئیس شورای علما، روسا و مسوولین ادارات دولتی، معاونین و اعضای رهبری پوهنتون، مسوولین نهادهای تحصیلی خصوصی تخار، استادان و کارمندان پوهنتون، اعضای جامعه مدنی، بزرگان قومی و شخصیت های متنفذ، جوانان و خبرنگاران تهداب گذاری شد.
این شهرک از بزرگترین پروژه های ولایت تخار به شمار می رود که در محوطه زمین ملکیت پوهنتون تخار تطبیق میگردد.
شهرک رهایشی استادان، کارمندان و کارگران دانشگاه تخار با سپری نمودن مراحل قانونی و منظوری رئیس جمهوری در مرحله تطبیق رسیده که سر انجام سنگ بنای آن به زمین گذاشته شد.
با تطبیق شدن این پروژه، تخار دارندهی یک شهرک معیاری خواهد شد که در آن همه امکانات و ملحقات شهری در نظر گرفته شده است.
