سفر هیٲت علمی پوهنتون اسلامی بین المللی افغان به پوهنتون تخار!
امروز دوشنبه مٶرخ ۱۳ / ۰۱ / ۱۴۴۵ه.ق مطابق ۰۹ / ۰۵ / ۱۴۰۲ه.ش هیٲت علمی پوهنتون اسلامی بین‌المللی افغان در پوهنتون تخار تشریف آوردند.
در مجلسی که به همین مناسبت در دفتر ریاست پوهنتون تخار تدویر یافته بود، پوهنیار محمدالله احمدزی، رئیس پوهنځی انجنیری و سرپرست پوهنتون، معاونین امور علمی، محصلان، مالی و اداری، رٶسای پوهنځی‌ها، استادان و کارمندان پوهنتون تخار و هیٲت مهمان حضور داشتند.نخست، پوهنمل سیدحسن خلیلی، سرپرست معاونیت علمی پوهنتون تشریف‌آوری مهمانان را خوش آمدید گفته و از پیش‌رفت‌های کاری در پوهنتون یادآوری نمودند. در ضمن تاریخچه‌ی پوهنتون تخار را به صورت مختصر توضیح دادند. متعاقباََ پوهنیار محمدالله احمدزی، پیرامون کارکردها ودست آوردهای ریاست پوهنتون بعد از حاکمیت ا.ا.ادر بخش های علمی، محصلان و زیر ساخت ها به حاضرین به طور خلاصه معلومات ارائه نموده و ازآمادگی برگزاری یک سمپوزیم علمی در پوهنتون تخار صحبت کردند. متعقباً محترم پوهنمل دکتر میر رفیع الله منیب، معاون علمی پوهنتون اسلامی بین‌المللی افغان به نمایندگی هیٱت مهمان صحبت نموده هدف این سفر را «ایجاد و گسترش همکاری‌های علمی دوجانبه میان هردو پوهنتون» توصیف کردند. در ضمن طرح پیشنهاد یک عقد تفاهم‌نامه را فی‌مابین پوهنتون تخار و پوهنتون بین المللی اسلامی افغان به رهبری پوهنتون تخارغرض ملاحظ و ابراز نظرتقدیم نمودند، که مورد استقبال رهبری پوهنتون تخار نیز قرار گرفت.در پایان هیٲت متذکره از کتابخانه و بخش (ICT) ، پوهنځی‌های شرعیات و زراعت دیدن نمودند.
